Kalaallit Nunaanni meeqqat inuusuttullu - allaaserisat katersat

Allaaserisani 23-ni meeqqat inuusuttullu ullutsinni Kalaallit Nunaanni atugaat assigiinngisitaaqisunik imallit paasinarsarneqarput – ataasiakkaatigut kingumut qiviarnertaqarlutik. Meeqqat inuusuttullu atugaat innuttaasut akornanni naalakkersuinikkullu oqallinnermi sammineqaqaat, soorluttaaq tamanna aamma ilinniarfippassuarni sammineqartaqisoq. Akuttunngilarli paasissutissat naammanngitsut tunulequtaralugit oqallittoqarlunilu iliuuseqartoqartarnera. Allaaserisani katersani tamanna ilorraap tungaanut saatinniarneqarpoq. Ilisimatusartut ulluinnarnilu sullissisut atuakkami, kalaallisut qallunaatullu immikkut saqqummersussami, ilanngussipput. Meeqqat inuusuttullu Kalaallit Nunaanni ilinniarfinnit, sullissisunit qinikkanillu pinngitsoorani pigineqartariaqarpoq.

Uani imarisai takukkit (pdf-fil)
Se indholdsfortegnelsen her (pdf-fil)

Immikkut ittumik akilerlugu pisiarineqarsinnaavoq minnerpaamik qulinik milik publishing-imut toqqaannartumik piniarnikkut.

Nalinginnaasumik akia kr. 300,-

Minnerpaamik atuakkanik qulinik pisiniaraanni akia: 250,-

Aaqq.: Wolfgang Kahlig & Nina Banerjee
Saqqummersitsisut MIPI, Ilisimatusarfik & milik publishing
Qupp. 440, assiliartalersugaq
ISBN 978-87-91359-36-1