Ukiumoortumik Nalunaarusiaq 2009

Naalakkersuisut meeqqanut inuusuttunullu tunngasut sammigaat

MIPI-ip maanna 2009-mut ukiumoortumik nalunaarusiani saqqummersippaa. MIPI ukiumut qaangi­uttumut kingumut qiviarsinnaalerpoq Naalakkersuisunut naalakkersuisooqatigiinnissamik mas­sak­kut atuuttumik isumaqatigiissutaanni meeqqanut inuusuttunullu tunngasutigut ilisimasat salliu­ti­taaffigisaannut. Aammalu nuannaarutissaalluinnarpoq Kalaallit Nunaanni Namminersorlutik Oqar­tussat 25 mio. koruunit meeqqanut inuusuttunullu tunngasutigut ingerlatanut aalajanger­sima­sunut immikkoortissimammatigit. Tamannalu isumaqarluni Kalaallit Nunaata MIPI, tamati­gut meeqqat inuusuttullu pillugit ilisimasat uppernarsaasersorneqarnissaannik pissarsiarineqarsin­naanerannillu qulakkeerisinnaasoq, atorfissaqartikkaa. Aammattaaq aalajangiinerit pitsaanerpaamik angusaqarnissaq anguniarlugu pitsaasumik tunngavissaqarsinnaalersillugit.

MIPI-p siulersuisuisa aamma ukioq MIPI-p siunissaa pillugu oqaluuserisassap Inatsisartuni naammassineqarfigisaa kingumut qiviarsinnaalerpaat. Oqaluuserisassaq taanna siulersuisut MIPI-p siunissaa pillugu 2006-imi allakkiaannit pisuuvoq. Siunnersuut itigartitsissutigineqarpoq, Naalakkersuisulli siunnersuisarfimmik, inuiaqatigiinnut attuumassuteqartunik Kalaallit Nunaanni meeqqat inuusuttullu pillugit ilisimasanik pilersitsiviusarlunilu pilersuiviusussamik eqqarsaatitik nassuiaateqarfiginiarpaat. Siulersuisut MIPI suliffittut, meeqqat inuusuttullu atugarisaannik pingaartitsisuusoq aammalu misissuinerni meeqqanik aallaaveqartartuusoq politikkikkullu naqisimaneqanngitsoq, ingerlatiinnarneqarsinnaanissaata paasinissaa qilanaaraat.

Siulersuisut isummernerat

Siulersuisut inatsiseqartitsinerup naleqqussarneqarnissaa innersuussutigaat MIPI-llu aningaa­saqarneranut sinaakkutaasut tamatumunnga naleqqussarlugit, inatsit maannamut atuuttuusoq MIPI-p aaqqissuussaaneranut 2006-mi sulisut amerlineqarneranniit naleqqukkun­naar­simammat.

Siulersuisullu aamma Naalakkersuisut siunnersuinermik ingerlatsiviusumik, peqatigitillugu inuiaqatigiinnut attuumassuteqartunik Kalaallit Nunaanni meeqqat inuusuttullu pillugit ilisimasanik pilersitsillunilu pilersuisussamik, eqqarsaatersuutigigallagaat isumaqataafigaat. Tamannalu pilluni neriuutigalugu MIPI-p aaqqissuussaaneranut, akisussaaffeqarneranit inissisimaneranut il.il. tunngasut ukiup matuma ingerlanerani aaqqiivigineqassasut.

Annertunerusumik paasissutissat:

Siulersuisut siulittaasuat Kisea Bruun, oqarasuaat 32 21 06, e-mail: kisb@kanukoka.gl

Siulittaasup tullia Wolfgang Kahlig, oqarasuaat 36 23 92, e-mail: woka@adm.uni.gl

MIPI-p allattoqarfia, oqarasuaat 34 69 40, e-mail: mipi@nanoq.gl

Uani Ukiumoortumik Nalunaarusiaq 2009 MIPI-moortoq atuaruk (link-i)